迪士尼不應在香港的四個理由

一︰超OUT，看官迪士尼近年之傳統動畫，被史力加為首，充滿成人趣味夢工場及彼思三維動畫打到落花流水就一清二楚。童話﹖真係搵鬼信。

二︰香港傳媒太發達。迪士尼樂園之所以迷「人」，sell到人，就是能成功販賣「童話」，推銷「夢幻」。但在香港傳媒窮追猛打之下，迪士尼樂園未開幕，童話面具已被無情撕破，如此這般，你又怎能忍心向連水也無啖好飲的米老鼠，露出歡愉的笑容，再加一啖可樂呢﹖

三︰ 因為我係香港人。香港人，甚至中國人，從來就沒有跳舞的癮頭。即使傳統上即使有所謂之土風舞，但仍比其他西方或非洲國家，舞蹈與中國人淵源始終不大。何 況，在普及文化發達的香港，你都寧願去唱K啦。即使落club狂舞，亦是限於一班放洋回港的字母派。要投入以歌舞、parade為主軸的美國狂歡式嘉年 華，等同叫正襟危坐，於紅館「睇」演唱會(留意是有個演字)的香港人動起來，一樣困難。

四︰中國人重實際。今期便利報導，有次迪士尼內的 機動遊戲壞了，工作人員為了貫徹樂園的糖衣夢，就話︰「巴斯光年突然唔舒服，暫時休息一陣，稍後會再大家飛越太空。」用意雖好，亦算有創意，最起麻都照顧 到細路，但要事事講求效益，著重現實既香港人等﹖「你講咩呀﹖係咪壞機呀﹖要等幾耐呀﹖有冇搞x錯呀﹗」要香港人暫時放低現實，帶著夢幻或者兒童的心境入 樂園遊玩，難矣。

ps. 便利的報導亦指，當「森林河流之旅」的員工向遊客講笑︰「你知唔知斑馬點分公乸﹖黑底白間係公、白底黑間咪係乸囉! 哈哈哈......」，換來的竟是一名香港遊客(係香港人定係遊客﹖要問樓下先知。)的問候︰「x! 都唔知有乜咁x好笑!」

come on，撇開香港人有沒有幽默感不談。雖然笑話真係唔係咁好笑，不過，套用香港人mindset來講︰佢都係打份工啫，唔洗吓。