星期五, 12月 30, 2005

好shock呀

講開cultural shock,其實我都有。當然比起人哋去咗成年,我不過係大二時,去咗英國五個星期多啲,我受既shock可能係表面咗啲,但都ok shock嫁。

第一shock︰

個次去英國係一個summer course,入住host family。
我既host係單親家庭,一母一子。母親係典型英國人,好organized,表面好cool,實質幾好人。

好人還好人,但似乎她不太了解地球的另一面。一見面,佢就問我,香港係點呀,環境如何﹖我都然充當香港的代言人,有咁好唱咁好啦,直至,佢問到呢個問題︰「香港係咪仲有好多「清」人﹖束住條辮既呢﹖」

.................

第二shock

與女主人共處多天(留意係多天呀)後,一次坐佢手車去shopping,途中跟她閒談家常,雖然車箱好焗,還好,都未到透唔氣的程度。但突然佢問︰「係咩﹖咁你哋日本係咪都係咁呀﹖」

...........................(真係透唔到氣呀,呢鑊)

鑑於道路安全為上,所以,我答︰「係呀係呀。」

第三shock

之前點shock,都唔及呢吓shock。

話說一次我同女主人同佢俊朗既兒子吃飯。佢兒子睇落仲大我幾年,實質中學才剛畢業,問佢之後會讀咩系,佢話可能會去蘇格蘭讀醫科,接著,我條件反射般的,給了他一個「港式」答案︰「好喎,人工高喎。」

「唔係呀,我係想幫到好多人,救到好多人。」

「Oh...........Really?」

Oh, what a shame.............................Mr. HK

沒有留言: