第一個係一個新西蘭人，係 我哋係銅鑼灣搵車去淺水灣既時候識。佢以遊客身份問我，點樣去坐船去大嶼山長沙，我話俾佢知最快係搭地鐵，係IFC出口出云云。 點知一個唔該佢就決定跟我哋去淺水灣，話可以慳番啲時間，咁我無理由唔答「係」嫁。本來，於旅途中認識新朋友係一件好愉快既事，但呢位老外，似乎性格過於 急進，而且耐性欠奉。當我正致電新巴查詢有咩巴士可以去到淺水灣時，可能令呢位老外久等咗，佢究竟串到問我係咪諗住下個星期先去，仲問我係咪係香港住，咁 串﹖我EQ好，唔同你計較。
最後，我們最後當然找到小巴前往。講番呢個老外，佢話自己無固定職業，宜家係網上搵緊個網賣花灑(??)，而 家四出環遊世界。錢係邊度嚟，靠投資賺錢喎。 嘩，投資就賺到錢環遊世界，你買咩呀﹖Anyway，最搞笑係佢重話自己心態其實係artist喎(雖然我完全feel唔到)，又話自己喜歡任何範疇既 art。總之，呢個老外係度過住d令人羨慕既生活，希望佢啲花灑真係賺到錢啦。
另外一位認識既新朋友，係同我一齊昅女既客家阿叔。話說我 一條友，游游游，游到海中間，停低抖吓時，竟然有個阿叔走過嚟話，指住岸上的一個T-back鬼 妹︰「你睇嗰條女，露到咁大個pat，彈下彈下。好奇怪，如果我個女係呢度露就好野，係屋企就唔得。除曬衫反而無野睇，咩樣遮吓遮吓仲想睇。」除咗知道佢 個女係屋企唔會著T-back外，我都唔係好知佢想講咩，唯有鬥拋︰「唉，人既慾望係無窮無盡既。」阿叔當堂點曬頭，表示十分認同。
最後，呢位楂的士，又租的士出去俾人楂既阿叔，祝我快啲搵多啲錢，娶返個老婆喎。雖然我無你估既十八、九歲咁細，但結婚呢家野真係長遠咗啲，唯有多謝你先啦。
沒有留言:
發佈留言