星期一, 3月 20, 2006

理鬼

joey的訪問出了,很多他的fans都很喜歡,其中一個特別感動我︰

「真的好多謝文滙報副刊編輯Jonathan所寫的訪問,
係我最、最、最鍾意阿祖訪問的no.1,
亦因這篇文誘發到我今朝唔訓覺都要即刻寫篇文給阿祖睇呢~
而家的我好似坐緊隻木划般飄來飄去﹏
今日仲要周圍去添﹏
今晚應該要早d訓了…
不過唔知得唔得呢~」

有冇無誇呀﹖理鬼啦,有人鐘意睇我的文章,就得啦,哈哈。
呢種感覺,真是有點像以前係台上做戲,台下觀眾大笑時既感覺。呢種感覺係以前做大雜誌永遠找不到的。

不過,話說回來,被訪者覺得好的文章是否就是好呢﹖當然不是,其實文章正唔正面,唔係我哋既前設,而係「求真」,所以,正面既報導唔係因為我寫得正面,係因為個被訪者正面啫(至少係我認識佢既途中找不到negative的東西),所以大家都係多謝joey啦。

btw, 想睇篇文,就自己click去右手邊既wwp link啦

3 則留言:

goroeva 說...

午安﹏ Jonathan﹏
那個寫得好誇的文就係我這隻鬼了﹏
不過那是真實的事,好彩昨天係星期日,
我先可以犧牲睡覺的時間去寫那篇文,
對住電腦3-4個鐘…總共寫了約二千個字…

我都係第一次做這麼瘋狂嘅事呢~
不過因為昨天早上讀了你所寫的訪問,
非常之震撼﹏ 而且眼不知不覺已有點淚水湧出來﹏

你所寫的每一句,都很真﹏
很多件事情都中正我個心…
以前所逃避or唔想諗的問題都係時候要面對了﹏
尤其是目標…我的目標仲尋覓緊…
小妹係平凡人一名,冇什麼興趣及冇突出的長處﹑優點…
眼見其他朋友都搵到了,而自己因有些事情,直到現在已經有幾年的空白期…廿幾歲係女人的黃金期,而我就讓它默默的流逝,就嚟到三字頭了,到現在都唔知自己做緊d咩嘢﹏
表面上會扮沒什麼問題…
但一個人時就很徬徨了﹏

而且又因為我以前都跟過編輯,他所寫的文章簡直令到我有想…有冇咁誇呀!但因係關於廣告的文章,所以冇法啦﹏個客buy咪得囉…

現在的我,幫緊表姐間補習社,幫小學生補習,又係好大感觸,他們所用的課文書的字體和我以前所學的有上出入,例如:都﹑解﹑暑﹑齊等字體,我都要重新記住,還有學生品格問題,中產家庭及公屋單親家庭的學生都各有不同的問題,還有什麼讀寫障礙﹑專心程度都同以前不同,以前的我都係自己搞掂晒,唔駛爸媽擔心,真的認同已婚的朋友們所講的,養狗都好,養人就咪搞了﹏

唔講了﹏係時候返補習社~~
後會有期啦!
以上!!

Yo, move forward 說...

估唔到你會上嚟呀,真係好高興認識你。

老實講,阿jo講既野,係我哋呢個年幾階層一定會感受到的東西。其實,「我仲可以做啲乜」這個問題,我每天都在問自己,但呢啲野真係無確實既答案,所以都係努力工作,自然會有條路行嫁啦。

希望啦。

講開阿jo,佢話佢一事無成,其實我覺得當然唔係啦,佢都一事無成﹖我hum頭埋牆算啦。

goroeva 說...

nice to meet you too﹏

阿祖實在太謙虛了﹏
又咁有勇氣承認自己的性向﹏
佢其實係super-star(係我心目中)至真!

你又點中了我嘅死穴嘞﹏
幾年冇工作嘅我,就算現在有兼職做,
都俾唔到爸媽……
都冇養過爸媽幾年了,而家都係靠爸媽養……
你話羞唔羞恥啦?!