沉溺到極致 -- 悶爆

今日看完《世界末日的倒數》，shit。

終於體會到真正既「界櫈」感受，仲有，好在之前啪定杯咖啡。

真係好q悶，激悶。(sorry，我不會否定我的原始感受)

全個戲，都係講梵谷點樣幻想世界末日既情境，又係講啲虛無、人與人疏離，欲望等等，又係存在主義呢啲老生常談，俗套非常既論點，完全自我沉溺到極點。佢就好似一個老人家，係度eemm，聽到我周身痕。

最 差既係仲要指摘觀眾，你哋好suck，你哋無開心過，你哋在生時不過係沉淪，你哋末日既時候會無野可以回憶，x，齌吹，佢話係就係，完全無 support。咁都唔緊要，但我唔洗你話俾我知啦，呢啲野，n年前己經俾人講到爛，你可唔可以俾啲forward thinking出嚟﹖而唔係自我沉溺到極致，簡直係無可救藥既地步。

沉溺到極致，其實無面對過呢個世界，只係係度逃避，怨嚟怨去，都話咗佢係一個老人家啦。
重要係，佢根本無面對過觀眾，觀眾做咩事要入埋知道世界冷酷呢個老土到爆既道理呢﹖(當然仲有好多老土到爆既形而上既問題)，nothing new，觀眾要你教我點面對，而不是逃避。

可惜，無論幾唔掂，好快又會有啲評論出嚟分析呢套戲，又話點有深度 etc，唉，吹脹。

呢個真係香港劇場既悲哀。