用到盡

今日送到的大書櫃，標誌著我的書房的準備工作已大功告成。(也標誌著我與ikea的生意來往告一段落。)

為答應各界友好關心，今日特安排驚鴻一瞥，一瞥咁多啦。

一開門，就是由窗台改裝而成的書枱。上面放了一個lcd mon及數個雜物櫃及雜誌stand，外加一個座枱燈。

桌前右方為一電腦流動櫃，上面放置打印機。個位超窄。

近門處，有一個闊80cm的大書櫃，總共有七層，終於可以讓我的書一次過見光了。唔洗收收埋埋，想睇邊本就拎邊本。

總括而言，房間的設計意念係三個字︰用到盡。

當然，唔係事必吋吋用到盡，有機會的話，不妨參觀隔離房，你會發現原來屋企都可以好似示範單位。(啲家當呢﹖我都好想知。)