星期一, 1月 30, 2006

星期四, 1月 26, 2006

誘心人不賴

誘心人有齊焦小姐同鄭文雅,加埋歐錦棠。係最令人(我哋呢個gen的)無期待既組合,even少少反感。

驚喜地,係呢個講幾個西人上完床,再落床既故事,以上幾位既表現又相當出色喎。

經過去年「香水」何超儀一役後,己對春天搵「星」來演戲再無期望,所以,鄭文雅反而最具驚喜的一個演員,不單徐娘半老,魅力尤在,而且,演出亦交足功課, 一方面,帶出職業女性及失婚女性的內歛外,另一方面,與dan戀上後,在餐廳的一幕,又演到成熟女人拍拖feel。雖然,演出間或有種不協調,或太假之感 覺,但相信是翻譯劇及art form之故。

睇alice呢個角色,無可避免要同natalie portman比較,焦媛成功的地方,是不像歐錦棠效法電影版演釋方法,而是自己再create一個出來,而且,她很成功地將一個香港or亞洲女性戀愛的 姿態及語言,混入一個西方的劇本中,雖嫌未能百分百掌握「o靚妹」的神態,但效果亦不錯,尤其最後一幕,終於演活了alice這角色。(脫夜舞部份就不要 提了,焦小姐實在很難挑起我的那條根。)

歐先生呢,整個神態及演法跟電影版的非常相似,撇開這點,歐先生在力求做到角色的粗暴及原始上,算是掌握到,加上幾句大聲的粗口,演出尚算搭調,惜外形上缺少了角色的野性及性感,令人很難信服,不過,這並非歐先生可控制的範圍呢。

劇本不用多說吧,翻譯方面算是在忠於原著及傳神上取得平衡,至少比「求証」一聽就知是翻譯
劇的好。不過今次廣東話版,沒有令我更了解這戲,因為東西方的分野太大,令部份對白場口,出現「中國人會唔會咁呀?」的情況,始終要了解這戲,還是看英文劇本or電影好。

你係咪路呀﹖

今天訪問一位企得很前的文化政治人,問佢讀書經驗。

夠膽死,推介幾本連自己都無睇過,無掀過既書,有冇攪錯﹖

問佢內容,竟然話睇完話過你知,chisin。

星期日, 1月 22, 2006

有野睇

剛發表了高志森的專訪,算是首個人物報導,見得吓人咁啦︰有破有立,有疑問有解釋,有討論有空間,最重要係有火花。

不過,春天及後將小弟的文章post上搭爹區時,卻將高生談到某一個敏感的話題的部份內容刪掉,簡直係言論審查,講過唔算數。不過,算啦,我都費時修正。

不過,看倌如果有興趣的話,大可上wwp的網址與ddk的自行比較,很易找到的,因為都要那四個英文字母吧,haha。

星期二, 1月 17, 2006

CD有屋企啦。

Posted by Picasa

難得 放假,原定工作寫稿,最後,hoho,不了了之。
心裡只想搞套音響回來,可以一早起身,唔洗開電腦都可以聽音樂,另外,也為房間數百集CD尋回溫柔鄉。
可惜,小弟的房間淺窄。除非係床腳牆身處安裝層架,要不,HiFi實無容身之所。
左思右想,曾經想過買套JBL的On-Stage回來,放在書櫃上,聽歌,只需插部ipod,連埋remote,都應該唔錯。
但我啲CD呢﹖咪變曬垃圾﹖
況且,都係聽CD好過mp3。
最後,都係係IKEA買了層架,借人之手安裝後,極速往寶琳買了圖中這部心儀很久的HiFi。
雖然這部HiFi未必係同價位內,音色最出眾的,但設計真的很靚仔,鏡面的設計真的很型,還有一個一吋八的小熒幕,喇叭與機身配搭又一流,真的不俗。

有HiFi的結果是,張床好似去咗醫院,床尾有張枱。
「嚟,乖,護士餵你食嘢吓。」
護士呢﹖

曾經

Posted by Picasa

兩年前,在沙田火車站旁的原居民鄉村,我被指派往藍暉倫的祖屋,跟他的親戚周旋。
兩年後,重遊故地,竟有點懷念前事。

星期三, 1月 11, 2006

廿六

icq及msn不用我update,歲數已自動增值,oh,太現實了吧﹖

星期日, 1月 08, 2006

好野,生日快樂

Posted by Picasa


今年,當然不能期望今年可以好像去年咁啦,不過,仲有兩班朋友同小弟慶祝,仲有生日旦糕,已經好開心。

其實,生日都幾麻煩,麻煩在生日一嚟,不免會左思右想,諗吓啲死黨會唔會記唔記得呢﹖啲「特別」既朋友又會唔會記得呢﹖到最後,會唔會有人同我慶祝呢﹖

雖然我成日諗,生日都係唔好攪啦,好麻煩既,表現得可有可無。其實,邊係咁諗呀,真係無人攪時,都幾失望嫁。哈哈。

不過,有朋友記得已經好好(thanks u all)。

其實,唔記得亦都無所謂,因為我都成日忘記人哋啲生日啦,哈哈。